Að sitja hjá !

Mikið er sorglegt að horfa uppá frú Rice sitja hjá við ályktun um þjóðarmorð. Þarna hefur "stórveldið" tækifæri á því að taka afstöðu og breyta framgangi mála á Gazasvæðinu. Maður horfir á fréttamyndir í sjónvarpi og blöðum og getur ekkert annað en setið hjá. Margir hafa þó gert gott betur og staðið hjá og mótmælt, gleymt kreppunni hér og sjálfum sér um stund. Þannig lagt sitt á vogarskálarnar til að mótmæla þessum óhugnanlegu og ömurlegu örlögum sem börn og fullorðnir á Gazasvæðinu þurfa að horfast í augu við.

Það er því grátlegt að þurfa að horfa á bleyðugang Bush og kó þegar kemur að aðgerðum til að stöðva blóðbaðið. Auðvitað eru tvær hliðar á öllum málum, líka þessu, en hins vegar finnst mér önnur hliðin verða dekkri og blóðugri með hverjum deginum sem líður.

Ísraelar vara við árásum

Athugasemdir

[el-Toro, 10.1.2009 kl. 20:02]

miðað við sögu mistaka bandaríkjanna í málefnum fyrir botni miðjarðarhafs, þá held ég að það sé bara ágætt að þeir sitji hjá.  það er ekki eins og þeirra framlag skipti sköpum eins og ástandið þar er núna.  það tekur enginn mark á bush og kó lengur, enda er hann að fara frá og veit upp á sig skömmina.  enda væri það kjánalegt að banna ísrael að ráðast inn í gaza, og halda svo stríðsrekstri sínum áfram í írak eins og ekkert sé.

önnur hliðin verður aðeins dekkri ef skortur er á vitneskju.  eða þá ef sálarlífið raskast hjá manni við að lesa heimskar greinar á mbl.is og svoleiðis stöff.  báðar hliðar eru alltaf jafn dökkar eða jafn ljósar. 

endilega lestu þér til.  þarf ekki fara lengra heldur en á wikipedia.org til að fá basic upplýsingar.

ég vill samt taka fram að ég er ekki á bandi hamas né ísraels.  ég er hlutlaus enda hef ég lesið mér það mikið til um ástandið til að taka ekki afstöðu til málefna þarna niður frá.